بدك تصيري دلوعة خلال خمسة أيام وتخلي البنات يغاروا منك؟
1ـ إذا كنتي وسط مجموعة بنات أو في عزيمة احكي بصوت منخفض جدا .. يعني اخفضي لأقصى حد , اتكلمي ببطء شديد وبرقة وبنعومة ومطمطي بالكلام قد ما تقدري
2ـ اجلسي على طرف الكرسي وحطي رجل على رجل
3ـ إذا حدا قال كلمة شعبية وانتي قاعدة وحتى لو بتعرفيها ابتسمي وصيري قولي : أيش ..أيش ؟ ما فهمت .
4ـ إذا قال حدا شي بضحك اضحكي بنعومة ..يعني شوي هيك:هههههه وما تتقهقهي هيك :كخكخكخ..لأنو انتي مو قاعدة بقهوة.
5ـ سبلي عيونك وحركي رموشك كثير وحاولي كثير تطلعي على السقف - مثل أبو خشوم – خلهم يقولوا عنك خفيفة دم وخجولة..
6ـ لا تفتحي فمك كأنك عند طبيب الأسنان وأنت توكلي ..
ونصيحتي ما تمضغي علكة بالمرة ..
7ـ إذا طارت من جنبك حشرة مثل شي صرصور زاحف حاولي ما تهجمي عليه .. بس اصرخي واركضي ولا تخافي من شي بس اهربي من المكان وقولي :مامااااااا واصرخي...
8ـ في المدرسة ما تقعدي تركضي بين الطلاب وتلحقي البنات صاحباتك حتى لو بمزح .. ما تسحبي شعر هاي وتدغدغي هديك ..امشي بهداوة وعند البوفية بالمدرسة لا تفوتي بزحمة الطلاب اللي بيشتروا وضلك استني لحد ما تخلص الزحمة ..وبعدها روحي اشتري لما تخلص السندويتشات ..
9ـ من ناحية اللبس .. البسي كل شي عليه صور دببة وقطط وأرانب وأشكال وألوان..وأهم شي روحي لمحل اكسسوارات واشتري كل أنواع الرباطات و البكلات ..
10ـ لازم دايما تشتري دبب وعطر وقلوب وصور أطفال وحركات من هالنوع وكثري من الأشياء الغريبة خليهم يقولوا عنك : يا ماما ما ادلعك...
11ـ طبعا لازم تقولي إنك ما بتطبخي ولا بترتبي حتى غرفة نومك...
12ـ ولما حدا ينادي عليك... صيري اطلعي حوليك وقولي : أنا أنا ؟ واعملي حالك مش فاهمة...
13ـ *اتخيلي نفسك منى زكي*
*أو مثلا نور*
*أو إليسا لطالما احسستي ……
انسجمي بتفكير عميق *
.... *الان بدأت محاكمتك *
ماذا احسستي حينما سمعتي كلامي ؟
أقلك انا؟
حستي أنو لازم اتغيري حالك أو أقل ما فيها اتحاولي اتغيري عاداتك منشان تصيري مثل أي شخصية اخترتيها من بين الشخصيات الثلاث ..
رح أقول كلمة حق الثلاث احلى من بعضهن
انتي لمن اسمعتي الكلام راح تفكيرك لبعيد لدرجة أنو عم تتخيلي نفسك وانتي عم تعملي يلي عم تقرأي فيه
وكمان صرتي اتفكري اذا بتعملي هالشي بكون لايق عليك
أو يلي بتحبيه راح يتعلق فيكي .. أو إنك راح تستفزي صديقاتك او يلي بتكرهيهن . بمعنى أصح كل التفكير يلي دخلتي معاه بصراع كان من حقك ..
بس ..
هل هالشي راح يعطيكي غرور بنفسك ؟
أو
راح يخلي صديقاتك ايحسوا انو انتي عم تتكبري عليهن ويمكن يبعدن عنك واتخسري صداقة بمجرد انك حاولتي اتحسني حالك للأحسن؟
طبعا لا بحالة وحدة بس عدم الغرور بنفسك لدرجة انو اتشوفي حالك أحسن من الكل
أقولك واتجاوبيني؟
أو بمعنى أصح
اتجاوبي حالك ..
ليش انتي فكرتي أنو بدك أو بنفسك اتصيري شخصية مثل أي شخصية اخترتيها من بين الشخصيات الثلاث ؟
جاوب انا؟
رح أجاوبك شي بسيط كثير ما بدها كثير تفكير
يلي خلاكي تفكري هيك او اعطاك هذا الاندفاع
من هيك شعور هذا نتيجة لشيء واحد بس ..
ضعف شخصية ..
عندك اعتراض؟ طبعا لا
عارفة ليش؟
لانه هالشي مزبوط وما في سبب غير هيك
يلي عندو ثقة بنفسه بكون راضي بالي الله سبحانة و تعالى
كتب لو اياه
رح اعطيك نصيحة أتأمل انها تساعدك
عين أنا شب كتبت هالكلام منشان أعمل بينك وبين حالك
صراع مش أكثر
وهالصراع رح يسعدك بالاول بس بالأخير انتي يلي بتقرري
تريحي أعصابك ؟
وتصير عندك ثقة بنفسك
أو
ترجع ثقتك لحالك
أو
ما توخضي بالحكي بالمرة
بس بعدين رح تواجهي هيك شي وتقولي كاني كنت عارفة انه هالشي رح يصير في حدن نبهني بس مين ؟
………..؟
كان الهدف من الحكي كله :
أول شي انو تعرفوا هاد النوع من البنات يلي ما لو هم او اهتمام غير المياعة
وثانيا انو هاد النوع مثل الحلو على الأرض ما بيلم غير الحشرات وهي البنت ما بتجذب غير الشب ال…
وثالثا إذا الشب اللي بيفهم بدو يشوف بنت ما رح يطلع غير على قلبها على طيبتها على اهتماماتها ومش على شي ثاني لأنو أول عن تالي رح الكش يروح والمظهر يفنى وما بيضل غير القلب و الطيبة ..
كل البنات اللي بالمنتدى مو من هالنوع بس كلنا محتاجين للنصيحة وإنشاء الله تكونوا استفدوا لأنو الكلام الطالع من القلب ما بيدخل غير للقلب .. وشكراً..
الرئيسية 
