LiTtLe KeViN عضو نشيط
عدد الرسائل : 257 العمر : 33 الدولة : Syria الحالة : مزهزه الله وكيلكم العمل والترفيه : مصمم صور تاريخ التسجيل : 12/03/2007
| موضوع: قصة ليلى والذئب بس .. بالحلبي الأربعاء يونيو 20, 2007 7:39 pm | |
| كان ياما كان...... بس حلبية كانت ليلى ماشية بالغابة بنص الليل و رايحة لعند نانتا مثل في كل الحكايات ! والذئب ( المسكين ) وقفها لليلى وسألها لوين رايحة يا ليلى ؟ ! وردت عليه ليلى : وانت اش دخلك ولاك بهيم ... اش عبتساوي هون بنصاص الليالي؟؟؟ وليش عبتسألني لوين رايحة ؟؟ ولي عليك حيوان ..ان شاء الله بتعفسك سيارة بلا نمرة وبلا شوفير يا رزيل يا مبهدل يا قليل الحيا ما عندك خوات كني ... صعي قليل حس ووقح تفو عليك .... ومسكت ليلى الذئب من ادنو وشلفتو 7 متار وتابعت المسير لعند نانتا !!! هون .. الذئب لقاها كبيرة كتير بحقو وقال لحالو: هلق بنت فصعونة مابتطلع بطول أجري تشرشحني هيك بفصط الغابة قدام الحيوانات الرايحة واللي جاية وأنا الذئب ضروب وطراح !!!!!!! طيب يا ليلى .. إذا ما بفشل حنكك وإيه .. المهم يا سادة يا كرام .. راح الذئب أخد تكسي وطيران على بيت نانتا لليلى مشان يصل قبلا .. دق الجرس .. قامت سألت العجوز اللي ورا الباب : مينو هاد عبيدق علي الباب ؟ جاوب الذئب : أنا ليلى .. افتحيلي نانا. وأول ما فتحتلو الباب طلع فيها بنظرة شريرة من طرف عينو وقلا : يبلاكي بقتلك شقدك جدبة مين ما قلك انا ليلى بتفتحيلو .. لكن شلون بيقولو عليكي ذكية وحربوقة ؟؟ تسائل الذئب وركد وراها من غرفة لغرفة من غرفة لغرفة وهي عبتصييح وتولول ... وكل ما تجي بدها تفتح تمها لتحكي يجرقها الذئب بالكف على بوزا ... وبالأخير حصرا بزاوية القوضة وقلها حاج تبعقي ختيارة الجن .... وأكلا. وفي نفس اللحظة أنفتح باب الأصنصور وظهرت ليلى وقد سمعت ولاويل وعياط صادران من البيت .. وباب صقاق مفتوح فـنطت نط لجوا البيت وشافت الذئب بعدما أكل الجدة المسكينة .. فخاطبها الذئب مستهزئاً : ديه ورجيني إش دا تعملي هلق .. هههههههه وردت عليه ليلى وقد تطاير الشرر من عينيها : إيه انا اللي بورجيك ياصقاقي يا لقلوق .. واستلت ليلى من تحت البلوزة على خصرها جنتيانة بطول 20 سم وشرحت الذئب بها وقطعت أوصاله حتى خرجت نانتها من بطن الذئب . وهنا كانت المفاجأة حين صرخت ليلى : نانااااااااااا ... لعمى أنتي مانك نانتي!!! .. منو انتي وأش عبتساوي هون ؟؟ وأجابت العجوز بدهشة : عرفتك . مو أنتي ليلى بنت بنت جارتي أم عبدو اللي بالطابع الرابع؟ فأجابت ليلى متسائلة : ليش نحن بإينا طابق ؟ وردت العجوز : هاد الطابق التالت ... بس الأصنصور متشرك وبدال ما يطلع عالطابق الرابع عبيوقف بالطابق التالت .. فأجابت ليلى معتذرة : ييه عدم المؤاخذة حجة .. بس ما أكون أزعجتك .. مزبوط أنا ليلى وجيت عند نانتي .. بس معناتا كل الحق عالأصنصور ... كرمال النبي ماتواخذيني حجة .. وهلق بنضفلك البيت وبخليه متل الليرة . وقامت ليلي بتنظيف البيت من جثة ودماء الذئب ووضعتها في كيس الزبالة وشلفتومن عالبلكون (حفاظاًَ على التقاليد) وثم أخذت ليلى سلتها ودخلت في المصعد متوجهةً إلى بيت نانتا .. وتوتة توتة .. خلصت الحتوتة
مع خالص تحياتي... علي التميمي LiTtLe KeViN
| |
|
loletta المدير
عدد الرسائل : 442 العمر : 32 الدولة : syria الحالة : ماااالة من كل شي تاريخ التسجيل : 02/05/2007
| موضوع: رد: قصة ليلى والذئب بس .. بالحلبي الأحد يونيو 24, 2007 10:48 pm | |
| كهههههههههه....... حلوة.... بس عندي ياها صوت كمان | |
|
زائر زائر
| موضوع: رد: قصة ليلى والذئب بس .. بالحلبي الأحد يونيو 24, 2007 10:54 pm | |
| حلوووووووووووو
والله حلوة وبتضحك يسلموووووووووو |
|
LiTtLe KeViN عضو نشيط
عدد الرسائل : 257 العمر : 33 الدولة : Syria الحالة : مزهزه الله وكيلكم العمل والترفيه : مصمم صور تاريخ التسجيل : 12/03/2007
| موضوع: رد: قصة ليلى والذئب بس .. بالحلبي الإثنين يونيو 25, 2007 3:59 pm | |
| اهلا وسهلا فيكن اي وانا يا لوليتا عندياها صوت هع هع هع | |
|
*~~*mody-girl*~~* المدير
عدد الرسائل : 118 العمر : 32 العمل والترفيه : ......................... تاريخ التسجيل : 14/03/2007
| موضوع: رد: قصة ليلى والذئب بس .. بالحلبي الثلاثاء يونيو 26, 2007 2:33 am | |
| ههههههههه.....حلوة............بتضحك.......
وأنا كمان عندي ياها صوت....... | |
|
زائر زائر
| موضوع: رد: قصة ليلى والذئب بس .. بالحلبي الثلاثاء يونيو 26, 2007 3:58 pm | |
| لا له يا شباااااااااب
هيك الكل عندو ياها صوت وانا لا اوكي ماااااااااااااااشي |
|
sajida عضو جديد
عدد الرسائل : 11 العمل والترفيه : اااااااااا تاريخ التسجيل : 04/10/2007
| موضوع: رد: قصة ليلى والذئب بس .. بالحلبي الثلاثاء نوفمبر 27, 2007 8:35 pm | |
| 7lwa kteeeeeeeeeeeeeeeeeeer hhhhhhhhhhhh | |
|